Càr Dăk Lăk tŭ do geh mờr 460 rbô nă ơruh pơnu bơh 16 tus 30 sơnam, tàm hơ̆ geh rlau 116 rbô nă ơruh pơnu jơi bơtiàn dùl êt nă cau. Bơh nam 2021 tus tŭ do, càr neh ai geh broă lơh mờr 61 rbô nă ơruh pơnu in; dong kờl rlau 10 rbô 200 nă ơruh pơnu càn priă; bơto broă lơh ai rlau 1 rbô nă cau ling rê bơh mpồl ling in. Tàm pơrjum, Mpồl lơh broă neh cribơyai, tă pơgồp jơnau đơs bè ală broă lơh bơh càr dê tàm broă lơh jat Adat Ơruh pơnu mờ Broă rơndap lơh bơtàu tơnguh ơruh pơnu tàm tơngai lài. Tàm hơ̆ tơrgùm tàm 2, 3 tơngume bè: Broă lơh pơgồp bal bơh Ủy ƀan Ñân zân càr, ală sở, gah broă lơh mờ Đoàn ơruh pơnu; gơnoar broă bơh gơnoar atbồ ală kâp dê gơ wèt mờ broă lơh ơruh pơnu. Bơta bơto bơtê broă lơh, ai geh broă lơh, dong kờl broă lơh ai ơruh pơnu in tơnơ̆ tŭ lơh jơh kơnòl ling klàng. Broă lơh pơlam, ai tơlik lài gùng dà, mblàng wơl bơta kờñ gơboh ai ơruh pơnu in; sền gròi cau lơh broă, broă lơh mờ sơn đờm mut lơh broă ai ơruh pơnu in.