VOV4.K’ho- Gơ rềng tus broă mus kơl mờr 100 lồ brê tàm kơnhoàl Lăk, Sở Nông nghiệp mờ Phát triển Nông thôn càr Dăk Lăk neh geh sră nggal sồr Ci kụk Kiểm lâm mhar lơh sră nggal bơsong, lơh loh kơnòl bơh mpồl cau, cau dùl nă să lơh tìs. Tơnơ̆ broă mus kơl brê mờr 400 lồ brê tàm xã Ya Tờ Mốt, kơnhoàl Ea Sup, anih lơh broă geh gơnoar càr Dăk Lăk pơn jat tai geh yal bè ală broă tìs ndai gơlik geh tàm ală xã: Ia Rvê, Ia Lôp, kung gơ wèt kơnhoàl Ea Sup sơl, xã Dăk Phơi mờ xã Krông Nô, kơnhoàl Lăk. Tàm khà brê gơtìp mus kơl, geh 25 lồ brê rơcang gàr bồ tô.

Brê xã Dăk Phơi, kơnhoàl Lăk gơtìp mus kơl

Ồng Nguyễn Quốc Hưng, Kwang atbồ Ci kụk Kiểm lâm càr Dăk Lăk pà git, do ndrờm là ală broă mus kơl brê kơn jơ̆ ngan, Ci kụk gam mhar jòi cau tờm lơh mờ lơh sră nggal nàng bơsong. Bal mờ hơ̆, Ci kụk Kiểm lâm càr kung geh lơh loh kơnòl bơh mpồl cau, cau dùl nă să geh gơ rềng dê lời gơlik geh bơta mus kơl brê mờ ờ git gŏ, kơryan di tŭ.

Cau mblàng K’Duẩn