VOV4.K’ho- Nam 2022, Kông ty Ồs đèng Dăk Lăk geh tam pà mờr 285 tơmàn đong nàng lơh 93 broă, bơtàu tơnguh phan bơna gùng che đèng. Bulah tìp uă kal ke tài bơh ù tiah ƀòn lơgar dờng ơnàng, ơm rah rài, broă lơh ai ù lơh broă tàm bàr pe ƀòn lơgar gam gơtìp bơta gơkòl, tàm tŭ kòp Kovid-19 gam gơbàn kal ke, mơya Ồs đèng Dăk Lắk sùm geh ală bơta tam gơl dipal, lơh ală rơndăp broă lơh lơh geh bơta niam mờ tŭ tơngai.

Ala che pơlam hạ áp tàm xã Hoà Phú, ƀòn dờng Buôn Ma Thuột

Tus tŭ do, neh geh 30 broă lơh neh lơh sir gơs, mờ kờp jơh jòng 85 kơi sồ gùng che đèng trung hạ áp, 15 nơm măy ƀiến áp, gĭt nđờ jơ̆t nơm phan pờ mờ tơn chơ̆t đèng is mờ ală bơta sền gàr ndơ̆p ndơr, ờdo ờdă yal tơngĭt jơnau...geh ai ngui. Tŭ do, Ồs đèng Dăk Lăk gam pơn jăt tai lơh mhar tơngai lơh, mơkung ătbồ kràñ bơta niam lơh, nàng gờñ lơh sir gơs ală broă lơh, pơgồp bơnah tơnguh uă bơta niam gùng che đèng drơng bơtàu tơnguh lơh sa- mpồl bơtiàn tiah he dê in.

Cau mblàng Lơ Mu K’Yến