VOV4.K’ho- Ngai 18/10, Ủy ƀan Ñân zân càr Dăk Lăk pơgồp bal mờ Phòng Thương mại mờ Công nghiệp Việt Nam (VCCI) bơyai lơh dơ̆ cribơyai lơh niam wơl tiah bơcri priă lơh sa kă bro- sơlơ tơnguh mpồl lơh sa kă bro tàm ù tiah càr dê bơtàu tơnguh.

Anih tàm dơ̆ pơrjum

Tàm dơ̆ cribơyai, ală kwang bàng neh jòi gĭt bè Ƀộ khà sồ sơñio sền sơ wì bơta pràn jak đơng lam kấp sở, ƀan, ngàñ mờ ală tiah. Mơkung cribơyai bè ală bơta ƀuơn, bơta lòng gơwèt mờ càr Dăk Lăk tàm broă lơh niam wơl tiah lơh sa kă bro. Jat ală kwang bàng, ală nam pa do, càr Dăk Lăk neh geh uă bơta tam gơl tàm broă lơh geh ală bơta ƀuơn ai ală mpồl lơh sa kă bro in gĭt ală broă lơh bè ù tiah; geh bơta gơguh jak loh làng tàm broă tơrmù ƀà priă tă ờ ngan ngồn; lơh geh bơta ring bal tàm tiah lơh sa kă bro; broă lơh dong kờl mpồl lơh sa kă bro ƀuơn ƀoài đau. Mơya, ală kwang bàng kung đơs là, bơta lơh ngan lơh niam wơl tàm bàr pe tiah ờ hềt loh làng, gam lơh jat jơnau đơs lơm, ờ hềt ngan ngồn lơh jat mờ bơta geh ngan bơh mpồl lơh sa kă bro dê; uă sră nggal gam kal ke, tàm rơndăp rơndồl bal.

VOV Tây Nguyên/K’Hạnh mblàng