VOV4.K’ho - Bal mờ ală kơnòm pơrlòng tàm gùt lơgar, ngai òr (07/07), rơlao 20 rơbô nă kơnòm pơrlòng tàm càr Dăk Lăk mŭt tàm ngai pơrlòng sơnrờp bơh dơ̆ pơrlòng jơh bơsram kấp 3 nam 2022. Bơdìh mờ broă lơh ngan bơh ală kơnòm pơrlòng dê là broă sền gròi bơh mè bèp bal mờ broă tus bal bơh mpồl bơtiàn.

                           Ală kơnòm pơrlòng geh cau lơh broă nùs nhơm dong kờl is pà dà hùc

Jăt mờ kơrnoăt geh ai bơh Ƀộ Giáo dục mờ Đào tạo dê, 6 jơ nggùl drim, kơnòm pơrlòng pal tus tàm anih pơrlòng. Mờ kơrnoăt geh ai pa bơh nam do dê, kơnòm pơrlòng geh pơyoa phan ngui ngài 25 thơ̆k, tơnơ̆ mờ hơ̆, tơrgùm tềng đăp jơdŭ pơrlòng nàng cau sền pơrlòng hòi măt mŭt tàm jơdŭ pơrlòng. Nàng di tơngai, bơh tàm tŭ 6 jơ drim, neh geh gal kơnòm pơrlòng bal mờ mè bèp neh tus tàm anih pơrlòng. Nàng dong kờl kơnòm pơrlòng tàm broă pơrlòng, mpồl cau lơh broă nùs nhơm dong kờl tàm ală anih pơrlòng geh bơto sồr ală kơnòm pơrlòng mŭt tàm jơdŭ pơrlòng. Mờ broă sền gròi bơh ală cau mè bèp bal mờ broă dong kờl bơh ală cau tàm mpồl bơtiàn, ală cau kơnòm pơrlòng tàm càr Dăk Lăk iang nùs, pin dờn mŭt tàm dơ̆ pơrlòng jơh bơsram kấp 3 nam 2022.

Cau mblàng Ndong Brawl