Tàm pơrjum, kwang đơng lam bồ 2 càr neh ring bal kĭ hơ sră nggal jơnau ring bal lơh broă bal bơtàu tơnguh lơh sa- mpồl bơtiàn tàm 6 gah broă, tàm hơ̆ geh: lơh sa suơn sre, hòi jà bơcri priă, kă bro, drơng broă ala, nhơl chờ, gùng lòt- pơndiang phan; gah lơh sơnơm, bơto bơtê, cau lơh broă mờ lơh broă; sền gàr lơngap lơngai, sền gàr dà lơgar.

Jơnau kờñ bơh jơnau ring bal lơh broă bal đah 2 càr dê là wèt tus bơtàu tơnguh lơh sa- mpồl bơtiàn tàm ală gah broă, pơgồp bơnah mŭt ngui mờ ngui geh cồng nha niam ngan rlau jơh bơta ƀuơn, bơta pràn bơh 2 càr dê, ngui niam uă ngan bơta pràn is tàm càr, hòi jà tă pơgồp uă ngan rlau jơh ală bơta pràn bơh đah bơdìh bơh broă sơlơ tơnguh kă bro, tìp mat lơh kwèng đah 2 càr dê, ngui geh cồng nha bơta kwơ, bơta pràn, bơhiàn niam chài tơl tiah dê; pờ geh tŭ tơngai niam gơ hòi gơ jà uă ngan ală cau bơcri priă tus mờ 2 càr.