VOV4.K’ho- Mờr 100 nă cau lơh broă geh rơ wah tàm dơ̆ yal tơnggit jòi broă lơh dơ̆ 1  nam 2022 geh lơh tàm ngai 15/02 tàm Aniht ờm yal tơnggit jòi broă lơh càr Dăk Lăk. Tàm dơ̆ bơyai lơh geh 11 anih, mpồl lơh sa kă bro tus bal mờ kờp jơh jơnau kờñ rơ wah là 1 rbô 773 nă cau, uă ngan là cau lơh broă ờs mờng.

Uă cau tus anih yal tơnggit jòi broă lơh nàng jòi broă lơh

Anih tờm drơng ala jòi broă lơh càr Dăk Lăk pà git, do là dơ̆ cribơyai jòi broă lơh ờs mờng dơ̆ sơn rờp nam 2022 dê tơnơ̆ tơngai ơm rlô sa tềp nàng kờñ lơh jat di tŭ jơnau kờñ rơ wah cau lơh broă bơh ală mpồl lơh sa kă bro dê kung bè jơnau kờñ jòi broă lơh bơh cau lơh broă dê.

Sền jơnau tơnggit bơh Mpồl yal tơnggit jòi broă lơh dê

Tàm tơngai tus, Anih tờm geh pơn jat tai lam lơh ală dơ̆ cribơyai jòi broă lơh jat tơngai pơrgon mờ làm bă tiah nàng kờñ tàm tơrbŏ bal ală mpồl lơh sa kă bro tàm càr mờ bơdìh càr geh jơnau kờñ rơ wah cau lơh broă tàm càr.

Cau mblàng K’Duẩn