VOV4.K’ho- Ủy ƀan Ñân zan càr Dăk Lăk gam lơh Mpồl duh broă sac rwah sră giáo khoa kâp càr nam bơsram 2022- 2023. Bulah bè hơ̆, Sở Giáo zụk mờ Đào tạo càr Dăk Lăk đơs nền, broă rwah sră giáo khoa bơh càr Dăk Lăk dê nam bơsram 2022- 2023 mờ nam bơsram tus neh lơh niam ngan, song dơ pă loh làng jăt jơnau pal jăt.

Mè bèp kơnòm bơsram blơi sră giáo khoa tàm Dăk Lăk

Ală hìu bơsram đơs là: Broă tam gơl pa bơto bơtê mơya mìng rwah dùl tus bàr ƀộ sră den mìng là “khàr pa, ơlak yau”. Bè đah Sở Giáo zụk mờ Đào tạo càr Dăk Lăk pà gĭt, broă rwah sră giáo khoa bơh càr Dăk Lăk dê jăt tàm 3 mpồl broă jàu: Dipal mờ bơta is rơmis lơh sa- mpồl bơtiàn bơh càr dê; dipal mờ bơta bơyai lơh bơto mờ bơsram tàm hìu bơsram phổ thông mờ broă jàu ndai. Kwang bàng, cau pơgru lơh broă tàm mpồl duh broă rwah sră là ală cau geh mờng chài mờ geh bơngă pin dờn. Tàm Mpồl duh broă rwah sră giáo khoa kâp càr kung pal lơh jăt bơta kơnhoàl ù tiah, ƀòn lơgar, 15 kơnhoàl, thị xã, ƀòn dờng ndrờm geh cau pơgru ala măt nàng gàr niam bơta làng bol lơh tờm, song dơ pă, loh làng, ờ ndơ̆p mpồn mờ ring bal.

Cau mblàng Lơ Mu K’Yến