VOV4.K’ho- Dơ̆ pơrlòng jơh bơsram kâp 3 gam tus rềp, gah bơto bơtê mờ bơsram càr Dăk Lăk gam lơh ngan tài dùl dơ̆ pơrlòng ờdo ờdă, song dơpă mờ gàr niam ờ geh cau pơrlòng lơi tài bơh rài kis kal ke mờ ờ gơtùi tus bal dơ̆ pơrlòng. Nam do, Dăk Lăk geh rlau 20 rbô 400 nă cau pơrlòng cih mat tus bal pơrlòng; tàm hơ̆ geh rlau 19 rbô 500 nă cau gam bơsram ơdŭ 12 hìu bơsram kâp 3 mờ hìu bơsram bơto bơtơl, gam wơl là cau pơrlòng khat gơboh.

Dùl dơ̆ bơsram wơl bơh kơnòm bơsram ơdŭ 12 bơh hìu bơsram kâp 3 Nguyễn Bỉnh Khiêm, kơnhoàl Krông Pắk, càr Dăk Lăk

Nàng rơcang lài ai dơ̆ pơrlòng in, càr kờp dŭ bơyai lơh 32 anih pơrlòng ngan ngồn mờ 869 cơldŭ pơrlòng tàm ală hìu bơsram kâp 3 tàm 15 kơnhoàl, thị xã, ƀòn dờng. Bơh ală tam gơl bè dơ̆ pơrlòng nam 2022 neh geh yal, Sở Giáo zụk mờ Đào tạo càr Dăk Lăk neh sồr ală hìu bơsram lơh gơs broă rơndap lơh nam bơsram di mờ tơngai hơ pơrgon, lời tŭ tơngai bơto wơl kơnòm bơsram in. Bơdìh hơ̆ tai, pơgồp bal mờ ală mpồl bơto bơtê tàm hìu bơsram mờ bơdìh hìu bơsram geh broă lơh dong kờl kơnòm bơsram bơto wơl, ngan là ală oh geh rài kis kal ke.

Cau mblàng K’Duẩn