VOV4.K’ho- Tàm rlau dùl nhai do, mhàm drơng dong kờl sơm kòp kơn jơ̆ mờ sơm kòp tàm càr Dăk Lăk sùm ơm tàm bơta ờ tơl uă ngan tài bơh mhàm ơn prăp tàm ală hìu sơnơm neh jơh, tàm tŭ broă rơndăp lơh dờp mhàm pà kung gam ờ hềt geh lam lơh sơl. Jăt jơnau yal bơh Mpồl đơng lam hòi jà pà mhàm càr Dăk Lăk dê, tàm nhai 03 mờ bồ nhai 04 do, bơta ai mhàm ai broă lơh dong kờl sơm kòp kơn jơ̆ mờ sơm kòp in tìp uă kal ke.

Tàm Hìu sơnơm dờng tiah Tây Nguyên, pah nhai kờp bal kờñ bơh 1 rbô 800 tus 2 rbô kơldung mhàm nàng drơng dong kờl sơm kòp kơn jơ̆ mờ sơm kòp sùm mơya pa do rơ̆p mìng pa lơh geh nggùl khà mhàm jăt jơnau kờñ. Ồng Nguyễn Đức Phú, Kwang ătbồ Cơldŭ lơh broă Mpồl đơng lam hòi jà pà mhàm càr Dăk Lăk pà gĭt: Tŭ do, Mpồl đơng lam hòi jà pà mhàm càr neh lơh sră pơyua ủy ƀan ñân zân càr in dan gah lơh sơnơm bơtơl di tŭ ală dà sơnơm nàng gờñ lam lơh broă rơndăp lơh pà mhàm dong kờl is, tơnguh khà mhàm ai ală hìu sơnơm mờ ală anih lơh sơnơm tàm càr in.

Cau mblàng Lơ Mu K’Yến