Do là dùl tàm ală broă lơh gơwèt broă lơh pà phan sa tềp kờñ gơboh Nam pa Giáp Thìn. Tàm broă lơh, mpồl bơyai lơh neh jàu 100 bơnah phan pà, tơl bơnah phan kờp priă 500 rơbô đong (tàm hơ̆ geh 200 rơbô priă mat mờ ală phan ngui sa kwơ màng).

Mò Ayun H’Hương, Củ tịc Mpồl Cữ thập đỏ càr Dăk Lăk, pà gĭt: broă lơh neh dờp geh bơta sền gròi jơh nùs ngan bơh ală mpồl cau, mpồl lơh broă, mpồl lơh sa kă bro tàm càr mờ bơdìh càr. Tus tơngai tŭ do, neh hòi jà geh rlau 2 rơbô 600 bơnah phan mờ kờp jơh khà priă mờr 1 tơmàn 300 tơlak đong. Broă lơh rơ̆p pơn jat tai lơh tus ngai 04 nhai 02 nàng kờñ lơh gơrề uă nùs nhơm sa tềp tus mờ tơl nă làng bol, ngan là ală cau geh rài kis kal ke, ờ pràn tàm mpồl bơtiàn.