VOV4.K’ho- Mho ngai 06/10, Ủy ƀan Ñân zân càr Dăk Lăk bơyai lơh pơrjum mờ ală sở, ngàñ, mpồl lơh broă mờ ală tiah geh gơrềng lơh mhar lam lơh rơndăp broă lơh Gùng rơndeh ntoăt răt Buôn Ma Thuột- Khánh Hoà. Rơndăp broă lơh do geh bơta jòng 117 kơi sồ mờ nggùl, kờp jơh priă bơcri lơh mờr 22 rbô tơmàn đong.

Dăk Lăk pơrjum lơh mhar rơndăp broă lơh gùng rơndeh ntoăt răt Buôn Ma Thuột- Khánh Hoà

Tàm hơ̆, gơl gùng lòt gan ù tiah càr Dăk Lăk jòng pơgăp 85 kơi sồ, kờñ pal ai tiah ơm kis pa ai rlau 300 hìu làng bol in. Tàm dơ̆ pơrjum, kwang đơng lam bồ Ủy ƀan Ñân zân càr Dăk Lăk neh jàu loh làng ai ală sở, ngàñ, mpồl lơh broă geh gơrềng mờ 3 kơnhoàl geh gùng rơndeh ntoăt răt lòt gan, lơh jăt broă lơh jăt gơnoar broă kơnòl broă tàm ală broă lơh sờr ntrờn ù tiah, ntrờn ơm kis pa, brê bơnơm geh is tiah ơm kis, săc rwah cau lơh lài mờ ngai 30/06/2023, geh lơh sir jơh gơl gùng nam 2026 mờ ai ngui dùl ròt bal tàm nam 2027.

Cau cih VOV Tây Nguyên- Cau mblàng Lơ Mu K’Yến