VOV4.K’ho- Drim ngai 28/09, tàm ƀòn dờng Buôn Ma Thuột, Ủy ƀan Ñân zân càr Dăk Lăk bơyai lơh pơrjum tìp mat ală cau dong kờl bơh lơgar ndai tàm Dăk Lăk nam 2022. Pơrjum geh bơta tus bal tơn bơh 8 mpồl tàm càr mờ tàm tơrbŏ tàm internet mờ 16 mpồl, anih lơh broă ala mat tàm lơgar ndai lơgar Việt Nam dê.

Broă lơh lơh broă bal mờ JICA bơh lơgar Hàn Quốk dê bè prap gàr bơta niam chài rơgơi

Jat Sở Ngoại vụ càr Dăk Lăk, tàm 2 nam do, càr neh hòi jà tă pơgồp geh rlau 6 tơlak 500 rơbô dolar Mỹ jat broă lơh sơlơ tơnguh lơh broă bal mờ hòi jà dong kờl ờ di Cíñ phủ. Tàm hơ̆, kờp tus nhai 8 nam do, Ủy ƀan Ñân zân càr neh kĭ ring bal dờp 51 bơnah dong kờl mờ kờp jơh bơta hòi jà geh mờr 3 tơlak 700 rơbô dolar Mỹ. Gah broă dong kờl uă ngan là gah lơh sơnơm, gah bơto bơtê, phan kwơ tàm ù, bơtàu tơnguh lơh sa- mpồl bơtiàn mờ bơsong ală broă mpồl bơtiàn. Bè đah càr dê, ồng Võ Văn Cảnh, Phó Củ tịc Ủy ƀan Ñân zân càr Dăk Lăk đơs ngan, Dăk Lăk sùm rcang lài lơh geh  ală bơta niam ngan rlau jơh nàng lam lơh, cau dong kờl bơh lơgar ndai lơh broă, dong kờl càr tàm tơngai tus.

VOV.vn- Cau mblàng K’Hạnh