Bulah khà gơguh 1,7% pơndrờm mờ nam 2023 mơya Dăk Lăk kung gam gơ ơm tàm mpồl càr, ƀòn dờng geh điểm pơrlòng kờp bal lơyah ngan rlau jơh gùt lơgar. Mùl màl, điểm kờp bal ală môn pơrlòng bơh càr Dăk Lăk dê geh 6,194 điểm, ơm dơ̆ 61 tàm 63 càr, ƀòn dờng. Do kung là nam dơ̆ 3 pơn jat sùm càr ơm tàm mpồl dut ndơl ƀàng sap sèng điểm pơrlòng jơh bơsram kâp 3.

Mblàng lơh loh bè bơta do, dùl nă kwang đơng lam bồ Sở Bơto bơtê mờ bơsram càr Dăk Lăk đơs là, cồng nha bơto bơsram bơh càr dê tŭ do gam uă bơta ờ niam. Bàr, pe hìu bơsram ờ hềt ngan ngồn geh bơta nền nòn tàm broă sền sơ wì, jat sền broă bơto bơsram, rơcang ai dơ̆ pơrlòng jơh bơsram kâp pe in kung lơh điểm pơrlòng ờ geh bè bơta kơp kờñ.