VOV4.K’ho- Anih tờm drơng broă lơh càr Dăk Lăk pà gĭt, kòp Kovid-19 geh gròi sền neh lơh tơnguh mhar tŭ niam broă lơh ai cau lơh broă tàm càr in. 9 nhai do, mpồl lơh broă neh yal tơngĭt broă lơh ai mờr 6 rơbô 500 nă cau. Khà cau geh broă lơh tơnơ̆ tŭ yal tơngĭt broă lơh là 2 rơbô 166 nă cau, lơh geh 90% broă rơndap lơh gùt nam dê. Tàm khà rlau 2 rơbô 100 nă cau jòi geh broă lơh, geh 1 rơbô 282 nă cau lơh broă tàm càr, 799 nă cau lơh broă bơdìh càr mờ 85 nă cau lòt lơh broă hờ lơgar ndai.

Dăk Lăk: rlau 2 rơbô nă cau jòi geh broă lơh tơnơ̆ kòp Kovid-19

Jat ồng Nguyễn Văn Cường, Phó kwang atbồ Anih tờm drơng broă lơh càr Dăk Lăk yal, tàm qúy 4 nam 2022, Anih tờm drơng broă lơh kờp dŭ geh bơto pơlam broă lơh, bơsram broă lơh ai rlau 2 rơbô 600 nă cau; yal tơngĭt broă lơh ai pơgap 1 rơbô 200 nă cau. Nàng lơh geh jơnau kờñ do, bal mờ sơlơ tơnguh mblàng yal bè jơnau kờñ sac rơwah cau lơh broă mờ jơnau kờñ broă lơh bơh tàm website mờ tàm internet, Anih tờm drơng broă lơh càr Dăk Lăk kung lơh pràn lơh broă bơto pơlam broă lơh tàm ƀòn lơgar.

VOV Tây Nguyên- Cau mblàng K’Hạnh