VOV4.K’ho- Nàng rơcang tus dơ̆ pơrlòng mờ rơ wah kơnòm bơsram mut ơdŭ 10, Sở Giáo zụk mờ Đào tạo càr Dăk Lăk neh sồr ală hìu bơsram bơt bơtàu broă rơndap lơh rơ wah kơnòm bơsram nàng gàr bơta niam ngan ngồn tàm broă bơto bơsram. Tàm ƀòn dờng Buôn Ma Thuột geh 14 hìu bơsram kấp 3 rơ wah kơnòm bơsram mut ơdŭ 10.

Tàm hơ̆ ală hìu bơsram kấp 3 Cuyên Nguyễn Du, Hìu bơsram kấp 3 kòn cau ơm sa, bic tơn Nơ Trang Lơng bơyai lơh pơrlòng; Hìu bơsram kấp 3 lam lơh ngan ngồn Cao Nguyên gơ wèt Đại họk Tây Nguyên mờ 4 hìu bơsram làng bol lơh is geh Phú Xuân, Victory, Hoàng Việt, Đông Du rơ wah kơnòm bơsram jat kơ cế is. Ală hìu bơsram dà lơgar gam wơl rơ wah kơnòm bơsram jat họk ƀạ bơh Hìu bơsram kấp 2 dê.

Kơnòm bơsram ơdŭ 9 càr Dăk Lăk bơsram pờ tơlik tơn tàm internet

Kờp dŭ broă rơ wah kơnòm bơsram mut ơdŭ 10 tàm càr Dăk Lăk geh bơyai lơh tàm nggùl nhai 6. Sở Giáo zụk mờ Đào tạo càr Dăk Lăk pà git, tài broă gơlik geh kal ke bơh kòp Kovid-19 dê, nam bơsram 2021- 2022 uă ngan ală oh bơsram pờ tơlik tơn tàm internet den tàng broă sền sơ wì bơta niam ngan ngồn broă bơsram sră ală oh dê geh ơn lài ngan tàm broă sền sơ wì.

Cau mblàng K’Duẩn