Ồs đèng Dăk Lăk tŭ do gam atbồ, ai ngui rlau 10 rbô kơi sồ gùng che pờ tơlik ồs đèng mờ rlau 6 rbô 700 trạm ƀiến áp, lam lơh pờ tơlik ồs đèng ai mờr 610 rbô nă cau ngui đèng in. Lài mờ kàl mìu càl rbut dờng, ală mpồl lơh broă gơ wèt Kông ty ồs đèng Dăk Lăk neh tơrgùm lơh niam, bơsong ală anih kuơmàng tàm gùng che đèng; mờ kung geh broă rơndap lơh ngan ngồn nàng lơh niam wơl gùng che đèng tàm tơngai gờñ ngan rlau jơh dilah gơlik geh bơta ờ niam. Broă kờp sền, sền sơ wì gùng che đèng kung neh geh lơh sùm.

Tàm tơngai mìu uă, ồs đèng Dăk Lăk neh sơlơ tơnguh tai broă lơh lơh niam wơl jal mhar (hotline) tàm gùng che đèng nàng kờñ rơcang lài ală bơta pal geh, tơrmù ƀà bơta ờ niam gơlik geh. Mìng tàm 2 nhai do, mìng is mpồl Hotline sồ 2 neh lơh 72 broă lơh tàm gùng che đèng, uă ngan lơh niam wơl ồs đèng tàm trồ mang, dong pờ tơlik ồs đèng lơngăp lơngai sùm, drơng bơtàu tơnguh lơh sa mpồl bơtiàn.