Do geh sền là bơnah kuơmàng ngan, broă tờm ngan nàng tam gơl niam anih bơcri priă, sơlơ tơnguh mhar kơnòl bơt bơtàu gơnoar atbồ sồ, lơh sa sồ, mpồl bơtiàn sồ tàm càr. Càr Dăk Lăk tŭ do geh 1 rbô 590 sră nggal hàñ cíñ, tàm hơ̆ geh 640 sră nggal pờ tơlik tàm internet tơl làm jơh ală bơta (geh 40%).

Nam 2022, anih broă drơng ala dà lơgar càr neh dờp, bơsong rlau 1 tơlak 265 rbô sră nggal hàñ cíñ jat broă lơh Dùl mpồng điện tử liên thông, khà bơsong di mờ tơngai pơrgon geh 95,99%. Bulah bè hơ̆, khà sră nggal dờp rê bơh broă drơng ala dà lơgar pờ tơlik tàm internet ờ hềt uă tài làng bol, mpồl lơh sa kă bro kung gam gàr bơta mờng kwèng tus tơn tàm anih lơh broă hàñ cíñ nàng lơh. Nàng tơnguh cồng nha lơh niam wơl hàñ cíñ, ală tiah tàm càr gam sơlơ tơnguh broă mblàng yal bè bơta kuơ bơh broă drơng ala dà lơgar pờ tơlik tàm internet dê ai kwang bàng, công chức mờ làng bol in.