VOV4.K’ho- Tàm 2 ngai, ngai 14 mờ 15/4, Hội đồng Ñân zân càr Dăk Lăk neh lam lơh gròi sền tơngume mờ 2, 3 tiah mờ Ủy ƀan Ñân zân càr bè bơsong sră yal yă, yal khài bơh làng bol dê tơngai bơh nam 2016 tus nam 2021. Jat jơnau yal bơh Ủy ƀan Ñân zân càr Dăk Lăk dê, bơh nam 2016 tus nam 2021, gùt càr Dăk Lăk neh dờp 9 rbô 100 sră yal yă, yal khài mờ rlau 33 rbô 800 sră cih jơnau dan, jơnau đơs. Jơh ală broă yal yă, yal khài geh anih lơh broă geh gơnoar sền sơ wì, bơsong gàr niam bơta loh làng, song dơpă, di mờ adat boh lam.

Tơngai tus, Ủy ƀan Ñân zân càr Dăk Lăk pal pơn jat tai đơng lam ală kâp, ală gah broă lơh lam lơh jơh nùs, geh cồng nha ală jơnau sồr bè wă làng bol mờ bơsong yal yă, yal khài, sơlơ tơnguh broă lơh atbồ broă crơng gơs rơndap ù tiah, broă rơndap lơh ngui ù, gàr niam bơta loh làng, song dơpă. Kuơmàng pal sền gròi rlau tai tus broă bơto bơtê cau lơh broă gơtùi lơh jat jơnau kờñ kơnòl broă bơsong sră yal yă, yal khài.

Cau mblàng K’Duẩn