VOV4.K’ho- Lơh jat broă tam gơl sồ tàm broă kă bro, tơnguh bơta niam drơng nac in, bơh nhai 7 nam 2022, Kông ty ồs đèng Dăk Lăk gam lam lơh tam gơl sră pơrgon tac bro đèng ngui pah ngai (mờ sră) gơs broă lơh sră pơrgon điện tử.

                                  Dăk Lăk sơlơ tơnguh tam gơl sồ sră pơrgon tac bro đèng

Jat hơ̆, nac ờ duh pal kơp nàng kĭ wơl sră pơrgon mờ sră cih, mờ mìng tơmut mã đal git OTP tŭ dờp geh tin ñắn pơyua bơh gah đèng dê bơh sồ điện thoại neh cih mat. Tŭ lam lơh, mã nac dê geh gàr bè ờs den tàng ờ gơ rềng tus broă tơm priă đèng. Mờ sră pơrgon điện tử, tŭ ơm tàm khat tiah lơi, mìng geh măi mok tàm tơrbŏ mờ internet là nac gơtùi mut tàm ală phần mềm gròi sền cau ngui, sền tơngume sră pơrgon, sồr tam gơl jơnau tơnggit dilah kờñ, lam lơh ală broă drơng ala bơh gah đèng dê. Tŭ do, Kông ty ồs đèng Dăk Lăk geh rlau 506 rbô nă cau ngui đèng mờ jơnau kờñ drơng rài kis. Kờp dŭ tus jơh nhai 6 nam tơnơ̆, kông ty geh lơh gơs broă tam gơl jơh sră pơrgon bơh cau ngui đèng dê gơs broă lơh sră pơrgon điện tử.

Cau mblàng K’Duẩn