VOV4.K’ho- Drim ngai 26/01, Mpồl cau lơh ƀăo càr Dăk Lăk pơgồp bal mờ Sở Thông tin mờ Truyền thông càr bal mờ Hìu sền sră càr Dăk Lăk bơyai lơh dơ̆ sơnđờm mŭt lơh Drà Ƀăo Bồ sơnam pa Ñâm Zần 2022.

Geh lơh bơh ngai 26/01 tus jơh ngai 04/02 tus, Drà Ƀăo Bồ sơnam pa Ñâm Zần 2022 càr Dăk Lăk ràng tơlik rlau 250 bơta sră ƀăo mờ rlau 400 bơta sră. Jăt jơnau đơs bơh mpồl bơyai lơh dê, ală pang ƀăo bồ sơnam pa nam do geh rơndăp lơh li la bè đah bơdìh, tơngŏ bơta jơh uă tŭ tơngai mờ bơceh pa tơn bơh pang kơltau, li la bè tơngume, mờ ală tơngume bè gờm chờ Đảng gờm chờ Sơnam pa, kah ưn ngài Bác Hồ, cồng nha lơh geh bơh ală gah, broă lơh, ƀòn lơgar mờ ală rơnàng làng bol dê. Đơs wơl rài kis cíñ trị, lơh sa, mpồl bơtiàn, nùs nhơm, bơta kơ̆ dơn bơh kòn bơnus Việt Nam dê, cồng nha lơh geh bơh broă lơh broă, lơh sa wèt tus rài tơnơ̆ do niam bơnĕ bơh dà lơgar dê. Tơnơ̆ Drà Ƀăo Bồ sơnam pa, ală sră ƀăo geh pơyua pà ală kwang bàng, cau ling tàm bồt Trường Sa in, gơwèt Kụk Ling dà lềng tiah 4, càr Khánh Hoà.

Cau mblàng Lơ Mu K’Yến