VOV4.K’ho- Gơ rềng tus broă 2, 3 tiah tam cah is làng bol rê hờ ƀòn tờm sa tềp bơhiàn Ñâm Zần 2022, Ủy ƀan Ñân zân càr Dăk Lăk neh geh sră nggal sồr ală tiah ờ tam cah is làng bol rê hờ ƀòn tờm sa tềp mờ lam lơh ală broă lơh neh geh Ƀộ Y tế pơlam nàng rơcang sơndră kòp Kovid-19. Tơnơ̆ broă Hìu sơnơm xã Ea Blang, thị xã Buôn Hồ, càr Dăk Lăk sồr 1 nă cau rê hờ càr Dăk Lăk pal tam cah is 7 ngai bulah neh cit 3 ding sơnơm vaccine, ngai 26/01, Ủy ƀan Ñân zân càr Dăk Lăk neh geh sră nggal sồr Mpồl đơng lam mờ Anih tờm pơlam rơcang sơndră kòp Kovid-19 tàm ală kơnhoàl, thị xã, ƀòn dờng mhar kờp sền, đơng lam ală mpồl lơh broă, ală tiah tàm càr ờ tơlik is ală jơnau sồr bè rơcang sơndră kòp Kovid-19 sơlơŭ wơl mờ jơnau pơlam, jơnau sồr bơh Cíñ phủ, Ƀộ Y tế dê lơh gơlik kal ke ai làng bol in tŭ rê hờ ƀòn tờm sa tềp. Kờp tus drim ngai 27/01, càr Dăk Lăk neh git gŏ 15 rbô 714 nă cau bơtờp kòp Kovid-19, tàm hơ̆ gam 2 rbô 456 nă cau gam sơm mờ 85 nă cau chơt.

Cau mblàng K’Duẩn