Jat hơ̆, kwang bàng tàm 2 mpồl là ala mat kwang đơng lam bồ ală sở, gah broă lơh bơh càr Dăk Lăk dê. Kơnòl bơh 2 mpồl dê là lòt sền ù tiah ngan ngồn ală ƀlàng tuh sang ing drơng broă lam lơh Rơndap broă lơh bơcri priă lơh gùng ù gờl rơndeh ntoat mhar Khánh Hòa – Buôn Ma Thuột, geh Rơndap broă lơh dềt sồ 2 mờ sồ 3, bơh Mpồl atbồ rơndap broă lơh sồ 6 - Ƀộ Giao thông vận tải; Mpồl atbồ rơndap broă lơh bơcri priă lơh broă lơh Gùng lòt mờ Lơh sa suơn sre bơtàu tơnguh ƀòn lơgar càr Dăk Lăk lơh cau tờm bơcri priă. 

Ală mpồl sền sơ wì pal kong jơh kơnòl tềng đap Ủy ƀan Ñân zân càr tàm broă sền sơ wì, tơrgùm jơh, tă pơgồp jơnau đơs, sồr Ủy ƀan Ñân zân càr (bơh Sở Tài nguyên mờ Môi trường) ring bal halà ờ ring bal sồr bơ tơl ală ƀlàng tuh sang ing drơng broă lam lơh rơndap broă lơh, pal lơh gơs lài mờ ngai 29/5 do.