Tàm broă lơh do, ală cau ala măt geh iăt yal bè jơnau tơl pràn mờ ală cồng nha bơtàu tơnguh lơh sa- mpồl bơtiàn bơh càr Dăk Lăk dê lơh geh tàm tơngai lài. Làng bol ơm kis tàm lơgar ndai tơlik nùs nhơm chờ hờp bal mờ ală tam gơl bè muh mat mờ bơta bơtàu tơnguh lơh sa- mpồl bơtiàn bơh càr Dăk Lăk dê; yal ală jơnau kơlôi sơnơng, bơta kơ̆p kờñ bơh làng bol ơm ngài mờ ƀòn lơgar dê, kơ̆p kờñ càr Dăk Lăk pơn jăt tai ai tơl bơta ƀươn nàng cau Việt Nam ơm kis tàm lơgar ndai in bơcri priă bè lơh sa, pơgồp bơnah bơ̆t bơtàu mờ bơtàu tơnguh ƀòn lơgar.

Đơs tàm broă lơh do, mò H Yim Kđoh, Phó Củ tịc Ủy ƀan Ñân zân càr Dăk Lăk ala măt kwang đơng lam bồ càr cih dờp, jờng rơ ală tă pơgồp bơh cau Việt Nam ơm kis tàm lơgar ndai dê tàm ală nam do; mò đơs nền Đảng, Dà lơgar he sùm sền gròi trăng gàr mờ sền ală cau Việt Nam ơm kis tàm lơgar ndai là dồ bơnah kwơmàng ờ gơtùi tam cah is, là dùl bơta gơn kơnờm bơtàu tơnguh bơh dà lơgar, bơh càr dê.