VOV4.K’ho- Drim ngai 23/06, Tỉñ ủy Dăk Lăk neh bơyai lơh Pơrjum yal Kơrnoat lơh mờ tơlik mat Mpồl đơng lam rcang sơndră sa kwề sa kwà, ờ niam càr dê. Mpồl đơng lam rcang sơndră sa kwề sa kwà, ờ niam càr Dăk Lăk tàm hơ̆ geh 15 nă cau bơh ồng Nguyễn Đình Trung-Ủy viên Đảng dà lơgar, Ƀí thư Tỉñ ủy lơh Kwang atbồ.

Dăk Lăk tơlik mat Mpồl đơng lam Rcang sơndră sa kwề sa kwà, ờ niam

Ală Phó Kwang atbồ Mpồl tàm hơ̆ geh: ồng Phạm Minh Tấn– Phó Ƀí thư Thường trực Tỉñ ủy; mò H'Lim Niê – Kwang atbồ Ƀan Nội chính Tỉñ ủy; ồng Nguyễn Thượng Hải- Kwang atbồ Rcang broă Tỉñ ủy; ồng Lê Văn Nghĩa– Củ ñiệm ủy ƀan Sền sơwì Tỉñ ủy; ồng Lê Vinh Quy- Kwang atbồ Kwang àng càr dê. Tơnơ̆ tŭ Pơrjum dà lơgar 5, mờ nùs nhơm jơh nùs jal mhar, lơh niam, Ƀan Thường vụ Tỉñ ủy Dăk Lăk neh cribơyai, ring bal lơh nền lơh Mpồl đơng lam bè rcang sơndră sa kwề sa kwà, ờ niam càr dê. Dăk Lăk kung là dùl tàm ală càr, ƀòn dờng gờñ lơh Mpồl đơng lam kấp càr bè rcang sơndră sa kwề sa kwà, ờ niam.

Cau mblàng K’Hạnh