Mho ngai 06/06, tàm bă brê dềt 1187, gơ wèt Brê Dà lơgar Chư Yang Sin, Anih tờm sền gàr Rwas, Dong kờl Phan puan jơng mờ Ătbồ sền gàr brê càr Dăk Lăk, pơgồp bal mờ Brê dà lơgar Chư Yang Sin, Anih sền gàr brê kơnhoàl Krông Bông tơngklàs 7 nơm phan brê kwơmàng ờ huan geh rê mờ brê bơnơm geh is. 07 nơm phan brê, geh: 03 nơm klan (kơn jơ̆ pơgăp 30 kĭ), 01 nơm klan gấm (kơn jơ̆ 14 kĭ), 01 nơm dồ tiang sur (kơn jơ̆ 8 kĭ) mờ 2 nơm bơrñual (kơn jơ̆ 2 kĭ 6).

Do là ală phan brê kwơmàng ờ huan geh mờ geh ală anih lơh broă geh gơnoar tàm càr Dăk Lăk hòi jà làng bol jàu dờp is nàng tơngklàs rê wơl mờ tiah ơm kis brê bơnơm geh is. Bơh dồ tŭ tơngai sền gàr mờ ròng siam tàm Anih tờm sền gàr Rwas, Dong kờl phan puan jơng mờ Ătbồ sền gàr brê càr Dăk Lăk, ală phan brê do neh pràn wơl, geh tơl bơta nàng tơngklàs rê kis tàm tiah ơm kis brê bơnơm geh is.