VOV4.K’ho- Mờ broă ai bơta niam nùs bơh làng bol, mpồl lơh sa kă bro dê nàng đo was, sền sơ wì cồng nha lơh niam wơl hàñ cíñ, càr Dăk Lăk pơn jat tai chồl pràn lơh niam wơl hàñ cíñ mờ tơngume tờm là tơrmù sră nggal, tơrmù tŭ jơ, lơh gơlik bơta ƀuơn ai làng bol, mpồl lơh sa kă bro in; iat jơnau đơs làng bol dê.

Kwang bàng Mpồl lơh pa mờ tam gơl sră măy rơndeh lơh sră nggal ai làng bol in tàm Anih tờm lơh sră nggal dà lơgar càr Dăk Lăk dê

Tus tŭ do, khà lơh niam wơl hàñ cíñ bơh càr Dăk Lăk dê neh sap sèng dơ̆ 45 tàm 63 càr, ƀòn dờng; khà niam nùs bè broă drơng hàñ cíñ bơh 15 sở, gah broă lơh dê geh mờr 84%; khà niam nùs bè bơta drơng broă hàñ cíñ bơh ală tiah tàm càr dê geh 79%. Dăk Lăk tơlik jơnau kờñ tus nam 2025, khà lơh niam wơl hàñ cíñ bơh càr dê geh sap sèng tàm mpồl 20 tàm 63 càr, ƀòn dờng. Nàng gơtùi lơh bơta do, broă lơh niam wơl hàñ cíñ geh càr lam lơh tơl làm tàm 6 tơngume: Tam gơl thể cế; lơh niam wơl sră nggal hàñ cíñ; lơh niam wơl mpồl kwang bàng duh broă hàñ cíñ dà lơgar; lơh niam wơl broă dong kờl cau lơh broă dà lơgar; lơh niam wơl priă jền dà lơgar; bơt bơtàu mờ bơtàu tơnguh Cíñ phủ điện tử.

Cau mblàng K’Duẩn