VOV4.K’ho- Dăk Lăk pal tơrgùm tă bơsong ală bơta kòl yan nàng tơnguh mhar broă tă priă bơcri dà lơgar. Do là jơnau sồr geh Hội đồng Ñân zân càr ai tơlik tàm pơrjum Hội đồng Ñân zân càr dơ̆ 4, khóa 10, tơngai lơh broă bơh nam 2021 tus nam 2026 geh lơh ngai 13/7. Bal mờ broă sền sơ wì bè bơta geh ngan, cồng nha lam lơh jat broă rơndap lơh bơtàu tơnguh lơh sa- mpồl bơtiàn, sền gàr lơngăp lơngai, sền gàr dà lơgar 6 nhai bồ nam mờ ală kơnòl broă, broă lơh tờm 6 nhai lồi nam.

Tàm pơrjum dơ̆ do, Hội đồng Ñân zân càr Dăk Lăk geh cribơyai, ring bal uă nghị quyết kuơmàng bè: Nghị quyết cih bè tam pà kờp dŭ ai priă dia gơguh uă gơ wèt tus mờ broă lơh bơt bơtàu tàm càr; Nghị quyết cih bè khà priă ai ală bơta priă tă lơh broă, Nghị quyết bè broă tam gơl gùng dà bơcri priă ală rơndap broă lơh dong kờl bơtàu tơnguh tiah nhàr dà lơgar- Rơndap broă lơh dềt càr Dăk Lăk; Nghị quyết cih bè kơrnuat pal jat, tơl khà, ai tơlik khà tam pà kes priă dà lơgar lam lơh Broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol jơi bơtiàn kòn cau dùl êt nă cau mờ tiah kơh bơnơm, tơngai bơh nam 2021 tus nam 2030.

Cau mblàng K’Duẩn