VOV4.K’ho-  Ngai 12/10, Cơl dŭ lơh broă tam pà bal broă lơh ƀòn lơgar pa càr Dăk Lăk neh bơyai lơh pơrjum mblàng yal tơnguh uă bơta gĭt wă bơh ală anih lơh broă cíñ trị mờ mpồl bơtiàn bè broă lơh tơl xã dùl phan bơna. Tơnơ̆ 4 nam lam lơh, tus tŭ do, càr Dăk Lăk neh geh 72 phan bơna OCOP geh dờp lơh geh bơh 3 tus 4 sơmañ.

Dăk Lăk jàu kơrnoat dờp phan bơna OCOP kấp càr

Bơh broă lơh OCOP, geh uă broă lơh niam, broă lơh geh cồng nha, bơceh pa, bơtàu tơnguh mhar, pơgồp bơnah tơnguh uă bơta niam, priă lơh geh bơh phan bơna lơh geh bơh suơn sre càr dê. Mơya, bơh tơngai lam lơh broă lơh do pà gŏ, ală broă lơh dong kờl gơwèt mờ cau tờm OCOP kung gam ờ hềt ngan ngồn geh sền gròi, bơta pràn jak atbồ, lơh gơlik phan mờ kă bro gam ờ hềt pràn, tam gơl bơta gĭt wă bơh cau ngui sa dê gơwèt mờ phan bơna mờ mat kă bro OCOP bơh càr dê ờ hềt uă. Tơngai bơh nam 2021-2025, càr Dăk Lăk sền gĭt OCOP là broă lơh tờm bơtàu tơnguh lơh sa tàm tiah ƀòn lơgar dê; là broă lơh mờ kơnòl broă tờm tàm broă lơh jat broă lơh jơnau kờñ dà lơgar bơt bơtàu ƀòn lơgar pa bơh Dăk Lăk dê

 VOV Tây Nguyên- Cau mblàng K’Hạnh