Jăt jơnau yal bơh Ủy ƀan Ñân zân càr Dăk Lăk dê, kờp tus jơh nhai 03 pa do, khà sră nggal gơnoar ătbồ geh yal lơh tơl jơnau sồr tàm ù tiah càr dê là 1 rbô 572 sră. Mpồng drơng broă dà lơgar bơh càr dê neh tàm tơrbŏ mờ Mpồng drơng broă dà lơgar Kâp dà lơgar dê. Càr neh lam lơh rề ơnàng broă dờp, bơsong sră nggal dà lơgar jăt gùng dà ờ gơrềng tàm ù tiah nhàr gơnoar ătbồ jăt tàm bơta ngui măy mok yal tơngĭt jơnau tàm tŭ lơh jăt broă lơh dùl mpồng, dùl mpồng tàm tơrbŏ bal. Khà sră nggal gơnoar ătbồ bơh anih lơh broă ờs mờng kâp càr dê dờp tàm nam 2022 geh bơsong di tơngai là rlau 89%, kâp kơnhoàl là 98,7%, kâp xã là 99,9%.

Đơs tàm dơ̆ lơh broă, ồng Nguyễn Duy Hoàng, Phó Kwang ătbồ Kuk Gròi sền sră nggal gơnoar ătbồ sồr: càr Dăk Lăk pal pơn jăt tai lơh jăt broă kờp sền, tam gơl pa broă rơndăp lơh, gùng dà broă lơh lam lơh broă lơh tàm Anih tờm Drơng broă sră nggal gơnoar ătbồ càr mờ Tiah lơh broă dùl mpồng ală kâp nàng dipal mờ broă lam ai broă rơndăp lơh sồ jơh gơ jăt bal mờ broă dờp mờ jàu cồng nha bơsong sră nggal gơnoar ătbồ.