Mờ tơngume “Ơruh pơnu lam lài tàm tam gơl sồ”, Nhai ơruh pơnu nam do bơh rơnàng kơnòm să càr Dăk Lăk dê rơ̆p lam lơh 10 broă lơh dờng kâp càr, tơrgùm tàm bàr pe tơngume, bè: Lơh Broă lơh bơ̆t bơtàu ơruh pơnu lơh mờ sồ Tiah tềl lời wơl mờ anih nhơl chờ; Bơyai lơh Cribơyai “Rơnàng kơnòm să Dăk Lăk mờ kơnòl broă lơh pơnrơ ngan bơta niam chài tàm rài sồ”; Lam lơh Dơ̆ pơrlòng jơnau kơlôi, jơnau kơlôi lơh ai đoàn viên, ơruh pơnu càr Dăk Lăk in dơ̆ I; Tìp măt, tơm bơh bơr đah kwang đơng lam bồ càr mờ ală sở, ƀan, ngàñ bè broă lơh ơruh pơnu,...Bơh hơ̆, lơh 12 ală broă jàu tờm jăt gùng dà mờ jơnau sồr bơh Đoàn kâp hơđang dê. Bi H’Giang Niê, Ƀí thư Tỉñ đoàn Dăk Lăk pà gĭt, broă lơh tam gơl sồ là kơnòl broă tờm geh rơnàng kơnòm să càr Dăk Lăk dê tơrgùm lơh tàm nhai ơruh pơnu nam do.