Bơh bồ nam tus tŭ do, geh 37 mpồl lơh sa kă bro tàm lơgar mờ lơgar ndai tus jòi gĭt tŭ tơngai niam bơcri priă tàm càr Dăk Lăk. Ủy ƀan Ñân zân càr neh ring bal gùng dà broă lơh bơcri priă lơh ai 7 rơndăp broă lơh, mờ kờp jơh khà priă dan bơcri rlau 2 rơbô 600 tơmàn đong. Pà sră dờp bơcri priă ai 1 rơndăp broă lơh FDI in geh priă dan bơcri 16 tơmàn 500 tơlak đong. Do khà priă ờ uă gơwèt mờ càr geh đơs là geh uă bơta ƀuơn, bơta pràn nàng bơtàu tơnguh uă gah bè càr Dăk Lăk dê.

Jơnau tờm lơh gơ hòi gơ jà bơcri priă tàm càr Dăk Lăk ờ hoan gơ kờñ uă ngan là tài bơh kal ke kòl yan, ờ hoan geh ù tiah niam lơh rơndăp broă lơh dờng nàng wă rò ală mpồl lơh sa kă bro geh jơnau kờñ lơh sa tơn. Sở Kế hoạch mờ Đầu tư càr Dăk Lăk gam pơgồp bal mờ ală mpồl lơh broă geh gơrềng lơh sir mat rơndăp broă lơh gơ hòi gơ jà bơcri priă geh bơta ƀuơn, bơta pràn nàng yal mờ Ủy ƀan Ñân zân càr in gờñ yal uă tiah tus mờ ală cau bơcri priă nàng kờñ gơ hòi gơ jà mpồl lơh sa kă bro tàm lơgar mờ lơgar ndai tus mờ càr.