VOV4.K’ho- Bơh bồ nam tus tŭ do, Kông ty ồs đèng Dăk Nông neh lơh gơlik geh 375 tơlak kWh đèng nàng tac, gơguh 2,5% pơndrờm mờ bal dùl tŭ nam 2021; hoàc huơr ồs đèng gơmù, khà ai priă đèng sơrlèt rlau mờ broă rơndap lơh. Neh geh mờr 160 rbô nă cau ngui đèng tơm priă đèng bơh ngân hàng halà mpồl lơh kòn gùng (geh rlau 95%).

Kông ñân ồs đèng Dăk Rlâp sền sơ wì gùng che đèng

Bơta niam ồs đèng tàm Dăk Nông ngai sơlơ kơ̆ kơljap, drơng jơnau kờñ bơtàu tơnguh lơh sa mpồl bơtiàn bơh càr dê. Tàm 8 nhai do, gùt càr neh git gŏ mờ lơh glài 676 dơ̆ lơh tìs ngui đèng, ai wơl mờ lơh glài kờp jơh khà priă 550 tơlak đông. Ală mpồl ồs đèng ngai sơlơ tam gơl pa, khin cha ngui tam gơl sồ tàm broă lơh atbồ, sền sơ wì, jat sền nàng gàr niam broă lơh tac bro đèng geh lam lơh geh cồng nha ngan rlau jơh.

Cau mblàng K’Duẩn