Jat jơnau yal bơh Ủy ƀan Ñân zân càr Dăk Nông dê, Tập đoàn lơh sa mờ măi mok Chah- Phan kuơ tàm ù Việt Nam (TKV) geh Ƀộ Tài nguyên mờ Môi trường lơh sră ai gơnoar tơnhàu phan kuơ tàm ù tàm bơtô Bauxit Nhân Cơ, kơnhoàl Dăk Rlâp mờ bă ù 3 rbô 74 lồ, tơngai tơnhàu 30 nam. Tus tŭ do, TKV neh tơn hàu jơh khà Bauxit mờ bă ù mờr 310 lồ. Bơnah ù do tŭ do geh cò tơnring, tam tờm keo nàng lơh niam wơl tiah ơm kis.

Jat jơnau yal sền sơ wì bơta gơ rềng tus tiah ơm kis geh kĭ ring bal, bă ù do tơnơ̆ tŭ jơh tơngai ai gơnoar tơnhàu hơ̆ sồng jàu wơl càr in. Jat Ủy ƀan Ñân zân càr Dăk Nông yal, mờ bă ù tơnhàu jơh khà Bauxit dờng bè do, geh uă ngan bơta ƀuơn nàng càr hòi jà ală rơndap broă lơh bơcri priă bơtàu tơnguh lơh sa, mpồl bơtiàn mờ geh ù sàng goh nàng rơndap tiah ơm kis, lơh sa pa drơng ai rơndap broă lơh tơnhàu Bauxit in tơn.