Ồng Lê Đình Tuấn, Củ tịc UɃÑZ xã Quảng Sơn, kơnhoàl Dăk Glong pà git, mìu jŏ ngai tàm ală ngai do neh lơh tơnao dơng dà Dăk N’ting, geh lơh tàm bồ tô croh dà Nting, gơwèt ƀòn N’ting gơtìp tơrlơm, rơdàng tàm tiah rềp mờ bơtơ̆t. Den tàng, gơnoar atbồ xã neh ntrờn mhar 34 hìu làng bol kis tàm tiah hờ đah jum lik bơdìh tiah gơtìp ngòt rơngơ̆t.

Jăt jơnau yal bơh UɃÑZ kơnhoàl Dăk Glong dê, dòr bơnơm hờ đah kiao bơtơ̆t ƀòn N’ting gơlik geh ală rơdàng jòng 500 thơ̆k, ơnàng di pơgăp 10 phơng. Cau tờm bơcri priă lơh broă do là Mpồl atbồ ală rơndăp broă bơcri priă bơ̆t bơtàu càr Dăk Nông neh geh jơnau yal pơyoa tus UɃÑZ càr Dăk Nông, dan ơpah mpồl lơh broă krơi is tus sền nàng git tài bè lơi gơtìp tơrlơm ù do kung bè geh broă lơh nàng gàr niam bơta lơngăp lơngai gùt dar rơndăp broă lơh.