VOV4.K’ho- Tus tŭ do, Kông ty ồs đèng Dăk Nông neh lơh gơs broă lơh niam wơl, căp niam wơl ală che káp yồng tàm jrong đèng pơhìn ờ kơ̆ mờ lơh ờ niam tus tiah kis tiah drà tơngai bơh nam 2020 tus nam 2022 jat Broă rơndap lơh sồ 45 nam 2020 bơh Sở Thông tin mờ Truyền thông Dăk Nông dê.

Dăk Nông lơh niam wơl che káp viễn thông

Jat hơ̆, ală mpồl ồs đèng Dăk Nông neh lam lơh sang tĕ che káp tac ờ ngui gùt dar jrong đèng, căp niam wơl ală bơta che káp rơcang gàr lài, dŏ wơl ală che káp ờ song gơmù lơyah rềp ù pơhìn ờ kơ̆ tai, mờ kung rơndap tap sèng, yồng sră cih jơnau đal git káp viễn thông geh rlau 120 kơi sồ tàm ală gơl gùng tờm, tiah drà, tiah tờm ală kơnhoàl mờ ƀòn dờng Gia Nghĩa. Geh git, kờp jơh priă lam lơh broă lơh niam wơl káp viễn thông tàm ală jrong đèng tàm càr Dăk Nông tàm 3 nam do là rlau 6 tơmàn 900 tơlak đông.

VOV Tây Nguyên- Cau mblàng K’Duẩn