VOV4.K’ho- Kông ty Ồs đèng Dăk Nông gam lam lơh jat dùl ròt rơndap broă lơh gùng che ồs đèng ƀòn lơgar, lơh ngan nàng jơh ală xã lơh geh tơl broă jàu sồ 4 bè đèng ƀòn lơgar pa mờ 100% khà hìu bơnhă geh ngui đèng ờdo ờdă.

PC Dăk Nông lơh niam wơl gùng che đèng tiah ƀòn lơgar

Nam 2022, ồs đèng Dăk Nông atbồ bơcri priă 53 broă lơh bơcri priă lơh, 22 broă lơh lơh niam wơl dờng mờ kờp priă bơcri lơh rlau 150 tơmàn đong. Bal mờ broă bơcri priă lơh gùng che ồs đèng, kông ty kung pơn jat tai lơh pràn broă lơh dờp gùng che đèng hạ áp ƀòn lơgar bơh ală mpồl lơh broă ƀòn lơgar dê. Mpồl lơh broă neh dờp 6 Hợp ták xã drơng broă đèng mờ rlau 120 kơi sồ gùng che đèng, 9 trạm biến áp, lơh jat lơh niam wơl mờ tơnguh uă bơta niam đèng drơng broă rlau 17 rơbô hìu bơnhă làng bol in. Bulah ù tiah kal ke ngan, tus tŭ do jơh ală thôn, ƀòn tàm Dăk Nông ndrờm neh geh đèng drơng broă ngui tàm rài kis mờ lơh sa, khà hìu bơnhă ngui đèng lơh geh rlau 99%. Bal mờ broă lơh bơcri priă lơh, lơh niam gùng che ồs đèng, ồs đèng Dăk Nông kung sền gròi tơnguh uă bơta niam drơng broă ala, lơh bal hiă ală sră nggal, lơh pràn ngui kông nghệ thông tin nàng drơng broă làng bol ngai sơlơ niam rlau tai.

Cau mblàng K’Hạnh