Do là nam dơ̆ bàr tàm pơn jăt sùm PCI Dăk Nông gơguh sùm 31 khà, bơh lồi dŭt sră săp khà gơguh tus mpồl hơđang bơh jơh gùt lơgar dê, cih dờp ală lơh ngan bơh càr dê tàm broă lơh niam wơl tiah bơcri priă lơh sa kă bro. Dăk Nông kung là càr mìng dùl lơm tàm tiah Tây Nguyên ơm tàm mpồl 30 càr, ƀòn dờng geh bơta niam đơng lam lơh sa niam ngan rlau jơh gùt lơgar dê.

Do là cồng nha niam ngan bơh lài tus tŭ do bơh càr do dê tàm broă lơh niam wơl tiah lơh sa kă bro, tơngguh uă pràn jak tàm pơrlòng kâp càr. Cồng nha săp khà PCI neh đơs wơl ală lơh ngan sùm bơh jơh ală anih lơh broă cíñ trị dê tàm broă lơh niam wơl tiah bơcri priă lơh sa kă bro tàm ală nam rềp ndo. Jơh ală sră pơ àr gơnoar ătbồ, broă dong kờl ai lài, gơhòi gơ jà bơcri priă…ndrờm yal loh làng ờ ndơ̆p mpồn tàm mpồng yal tơngĭt jơnau tàm internet bơh Ủy ƀan Ñân zân càr mờ ală sở, gah lơh broă kâp càr dê.