VOV4.K’ho- Jat Kông ty Ồs đèng Dăk Nông, tàm 6 nhai bồ nam, gùt càr neh tềm pềr 5 tơlak 550 rơbô kWh đèng. Cồng nha do là kơnờm mpồl lơh broă lơh pràn broă mblàng yal ală broă lơh ngui đèng ờdo ờdă, tềm pềr mờ geh cồng nha. Tŭ do PC Dăk Nông gam atbồ, tăc đèng ai mờr 178 rơbô nă cau ngui in.

Ngui đèng mat tơngai ơn hơđang rơkàng hìu, sùm pơs, wàs lơh niam phan bơna măy mok là broă nàng tềm pềr năng lượng geh cồng nha

Bơdìh mờ broă lơh niam broă lơh atbồ, ngui ală gùng che ồs đèng, mpồl lơh broă lơh pràn broă mblàng yal bơto pơlam làng bol, mpồl lơh sa kă bro sùm lòt sền, lơh sàng goh, sền gàr lơh niam gùng che ồs đèng mờ phan bơna măy mok đèng nàng gàr niam broă lơh sùm, geh cồng nha mut ngui uă. Kông ty pơn jờng ală mpồl lơh sa kă bro sơlơ tơnguh broă ngui đèng tàm jiơ ờ hoan geh cau ngui, jat sền sră wac sềr rùp ngui đèng nàng tam gơl is broă ngui đèng dùl bă di pal mờ tềm pềr. Gah đèng kung pơn jờng cau ngui đèng blơi is ală đèng mat tơngai ơn hơđang rơkàng hìu nàng pơgồp bơnah tềm pềr năng lượng.

Cau mblàng K’Hạnh