Jăt Sở Giao thông Vận tải càr Dăk Nông yal, tàm dơ̆ mìu dờng lồi nhai 7, bồ nhai 8 lài do neh lơh tơrlah uă 2 broă lơh gùng lòt kwơ màng càr dê, tàm hơ̆ geh 300 thơ̆k Gùng Hồ Chí Minh lòt gan sơnah ƀòn Nghĩa Thành, ƀòn dờng Gia Nghĩa; 850 thơ̆k gùng càr sồ 01 gơwèt xã Quảng Tâm, kơnhoàl Tuy Đức.

Jơh bàr gơl gùng bơh 2 rơndăp broă lơh ndrờm gơtìp tơrlah uă. UɃÑZ càr Dăk Nông neh yal jơnau jal mhar bè rềs àr bơh trồ tiah lơh aniai tàm bàr gơl gùng do, đơng lam ală anih lơh broă geh gơnoar tàm càr gờñ tơmù, ai broă lơh geh lơh niam wơl nàng drơng tàm broă lòt rê. Mơya, broă lơh kơl jăp wơl ală broă lơh do tŭ do gam gơtìp kal ke, kwơ màng là ờ hềt geh priă nàng lơh kơl jăp wơl. Jăt jơnau kờp ing, kờñ geh di pơgăp 300 tơmàn đong nàng lơh kơl jăp wơl, lơh niam wơl 2 broă lơh do. Tàm hơ̆ càr gam dan mờ Dà lơgar dong kờl 150 tơmàn đong bơh kes priă rơcang sơndră mờ rềs àr bơh trồ tiah nàng lơh kơl jăp wơl gùng càr sồ 01. Gơwèt mờ gùng Hồ Chí Minh, càr gam dan jơnau đơs bơh Ƀộ Gia thông Vận tải bè broă ai geh priă kung bè gùng dà broă lơh nàng lơh kơl jăp, lơh niam wơl.