VOV4.K’ho- Tŭ lam lơh ală rơndap broă lơh ồs đèng càl, ală mpồl lơh sa kă bro tàm càr Dăk Nông hơ pơrgon geh tă pơgồp bơnah priă jền uă ngan ai kes priă càr in. Bulah bè hơ̆, càr neh pal roh bơta gơn kơnờm tŭ ai priă dia tŭ do mìng geh dùl bơnah dềt ngan pơndrờm mờ jơnau kờp dŭ bơh sơn rờp. Jat khà kờp bơh Kụk dia Dăk Nông dê, 8 nhai do, bơnah dia ai bơh ală rơndap broă lơh ồs đèng càl tàm càr geh 18 tơmàn đông, mìng ndrờm 6% mờ khà rlau 300 tơmàn đông pah nam mờ càr kờp dŭ ai tŭ geh ring bal 6 rơndap broă lơh mờ kờp jơh bơta pràn 430 MW tàm tơngai bơh nam 2019 tus nam 2021.

Mblàng lơh loh jơnau do, Sở Tài cíñ càr Dăk Nông pà git, tàm khà 6 rơndap broă lơh ồs đèng càl geh lam lơh tàm càr, mìng geh 1 rơndap broă lơh geh bơta pràn 50MW thàn lơh gơs mờ ai ngui, tac đèng lài mờ ngai 31/10/2021. Ală rơndap broă lơh gam wơl neh ờ thàn lơh, tàm tơrbŏ. Broă ală rơndap broă lơh ồs đèng càl lơyài lơh broă lơh gơ rềng uă ngan tus broă ai dia kờp dŭ bơh càr dê.

Cau mblàng K’Duẩn