Jat kwang đơng lam bồ Kông ty kổ phần sền sơ wì bơta niam rơndeh rơndồ càr Dăk Nông yal, bơta rơndeh rơndồ tơrgùm uă neh gơlik geh tàm 2 poh rềp ndo, khà rơndeh rơndồ gơguh nisơna uă rlau 3 dơ̆ pơn drờm mờ lài hơ̆.

Ồng Nguyễn Xuân Diện, Kwang atbồ Kông ty pà git, nàng drơng jơnau kờñ, mpồl sền sơ wì neh lơh broă jơh bơta pràn, ală cau lơh broă kung lơh broă tơnguh 2 jơ pah ngai mờ lơh bal mờ ngai ơm rlô lồi poh. Jơnau là tài bơh lồi nam khà rơndeh tus tơngai sền sơ wì bơta niam gơguh uă, dùl bơnah tài rơndeh rơndồ tàm ală càr tiah đah jum dà lơgar tơrgùm rê, tŭ uă anih tờm sền sơ wì bơta niam rơndeh rơndồ tàm ƀòn dờng Hồ Chí Minh gơtìp ơm ing lơh broă.