Bơh bồ nam tus tŭ do, gùt càr Dăk Nông gơlik geh 11 dơ̆ ồs sa brê, kờp jơh bă brê gơtìp ồs sa mờr 9 lồ. Jat Sở Nông nghiệp mờ Phát triển Nông thôn càr Dăk Nông pà git, tàm khà 250 rbô lồ brê bơh càr dê, tŭ do geh mờr 43 rbô lồ, uă ngan là brê tam gơ ơm tàm tiah geh jơnau pơhìn gơtìp ồs sa, tơrgùm tàm ală kơnhoàl Dăk Glong, Cư Jut, Dăk Mil, Tuy Đức mờ Krông Nô. 

Tềng đap jơnau pơhìn ồs sa brê, Ủy ƀan Ñân zân càr Dăk Nông neh sồr ală sở, mpồl, gah broă lơh, Ủy ƀan Ñân zân ală kơnhoàl, ƀòn dờng Gia Nghĩa, cau tờm brê mờ ală mpồl lơh broă geh gơ rềng, lam lơh jơh nùs, kràñ cê, geh cồng nha ală broă lơh atbồ, sền gàr brê. Mờ kung sơlơ tơnguh tai broă lơh mblàng yal, hòi jà làng bol tus bal sền gàr brê mờ rơcang sơndră, crùh ồs sa brê.