VOV4.K’ho- 3 tơlak tờm chi geh càr Dăk Nông lam tam tàm ală gơl gùng drà, ală tiah drà mờ ală tiah brê lơh niam ƀòn lơgar jăt kềng ală gùng rơndeh di dơ̆ tơngkah kir sơnrai 132 nam ngai deh Củ tịc Hồ Chí Minh.

Tàm 3 tơlak tờm chi geh càr Dăk Nông lam tam tàm dơ̆ do, geh pơgăp 1 tơlak tờm nho 3 nha geh tam jăt kềng gah ală gùng 14 mờ 28

Jơnau do geh Kwang đơng lam bồ Ủy ƀan Ñân zân càr Dăk Nông yal tàm dơ̆ pơrjum ƀăo ngai 17/05 bè broă lơh đơs crih tam ya tơngkah 132 nam ngai deh Củ tịc Hồ Chí Minh mờ Dơ̆ lam lơh “Sa tềp tam chi sùm sùm kah dà kơlhề wa Hồ” dê. Tàm 3 tơlak tờm chi geh càr Dăk Nông lam tam tàm dơ̆ do, geh pơgăp 1 tơlak tờm nho 3 nha geh tam jăt kềng gah ală gùng 14 mờ 28, tàm ală tiah brê lơh niam ƀòn lơgar gam gơtìp mus kơl, sơgràm aniai tìs mờ kơrnoăt boh lam. Mìng is tàm dơ̆ lam lơh tàm drim ngai 19/05, bal mờ đoàn viên, ơruh pơnu, kwang bàng kông ñân viên ală anih lơh broă dà lơgar, càr hòi tơrgùm rlau 3 rbô 250 nă kwang bàng cau ling ală mpồl phàu crong tus bal tam chi tàm ală anih mus kơl uă brê kềng gah gùng rơndeh dờng 14 mờ 28.

Cau mblàng Lơ Mu K’Yến