Dăk Nông tàm tơrbŏ bal broă lơh gơlik mờ jơnau kờñ ngui phan tiơng pơn rơ mờ ală càr, ƀòn dờng
Thứ sáu, 13:22, 25/11/2022
Cau mblàng K'Duẩn/ VOV Tây Nguyên
Cau mblàng K'Duẩn/ VOV Tây Nguyên
VOV4.K'Ho - 30 sră lơh broă bal cih kah neh geh kĭ tàm Pơrjum tàm tơrbŏ bal broă lơh gơlik mờ jơnau kờñ ngui phan đah càr Dăk Nông mờ ală càr, ƀòn dờng bơyai lơh tàm ƀòn dờng Gia Nghĩa.
Do kung là broă lơh tàm ròt ală broă lơh kềng bơdìh Pơrjum dunia bè rơgồng bơnơm ồs dơ̆ 20 gam geh lơh tàm càr Dăk Nông.
Jat ală sră geh kĭ hơ, càr Dăk Nông geh kơnòl dong kờl, pơlam, lơh gơlik bơta niam ai mpồl lơh sa kă bro ală càr in tàm tơrbŏ bal tac phan bơna krơi is, phan OCOP, phan lơh sa mờ măi mok ƀòn lơgar geh pơn rơ… tàm drà kă bro càr Dăk Nông; tàm tơrbŏ bal lơh gơlik bơta niam ai ală mpồl lơh sa kă bro 2 gah in lơh broă bal, tàm tơrbŏ bal kă bro, jòi git, ngui drà kă bro tac phan bơna.
Gơ wèt mờ ală càr kĭ hơ geh rơ wah yal tơnggit ală mpồl geh bơta pràn nàng lơh mpồl sơn rờp pơgồp bal lam lơh jat ală tơngume lơh broă bal
Viết bình luận