Dăk Nông tìp măt cau tĕ khà lài mờ Pơrjum dơ̆ 08, Quôk hội khoă XV
Thứ năm, 13:36, 26/09/2024
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Tàm 2 ngai (24 mờ 25/09), Mpồl Cau ala măt Quôk hội càr Dăk Nông neh lơh ală dơ̆ tìp măt cau tĕ khà tàm ală xã: Dăk Sin, kơnhoàl Dăk R’lấp; sơnah ƀòn Nghĩa Trung, ƀòn dờng Gia Nghĩa; xã Nâm N’Dir, kơnhoàl Krông Nô; xã Ea Pô, kơnhoàl Cư Jŭt iăt kơno jơnau đơs bơh làng bol dê lài mờ tŭ bơyai lơh pơrjum dơ̆ 08, Quôk hội khoă XV.
Tàm ală dơ̆ tìp măt, Mpồl Cau ala măt Quôk hội càr Dăk Nông yal cau tĕ khà in rơcăng tơnggume, broă lơh tàm pơrjum dơ̆ 08, Quôk hội khoă XV rơ̆p geh lơh tàm nhai 10 tus.
Cau tĕ khà càr Dăk Nông neh geh uă jơnau đơs, jơnau dan, jơnau sồr bè ală broă gam geh tàm càr dê. Cau tĕ khà kơ̆p kờñ gah bơto bơtê kơlôi sơnơng ai lơh ngui ndrờm bal dồ ƀộ sră bơto bơsram mờ gơtùi ngui wơl tai nàng tềm pềr priă jền tă bơsram ai oh kòn in. Càr pal sền gròi rlau broă bơcri priă lơh phan bơna ƀòn lơgar in, bè: đèng, dà ngui sa, hìu sơnơm kơnhoàl.
Viết bình luận