VOV4.K’ho- Tơrgùm lơh, lơh niam wơl gùng che ồs đèng ƀòn lơgar là dùl tàm ală broă lơh lài ngan bơcri priă lơh nàng drơng broă bơtàu tơnguh lơh sa- mpồl bơtiàn tàm càr Dăk Nông. Tŭ do càr gam lơh pràn lơh sir rơndap broă lơh pờ đèng ƀòn lơgar bơh gùng che ồs đèng dà lơgar, mờ kờp jơh priă bơcri lơh rlau 710 tơmàn đong, pờ đèng ai mờr 15 rơbô hìu bơnhă làng bol in.

Dăk Nông gàr niam khà đèng drơng broă bơtàu tơnguh lơh sa- mpồl bơtiàn

Ồng Nguyễn Ngọc Ánh, Kwang atbồ Kông ty Ồs đèng Dăk Nông pà gĭt, nàng ală broă lơh lam lơh gàr niam di tơngai, kông ty neh rcang broă lơh mut lơh nền cê, ală gah ồs đèng hòi jà mpồl cau, rơndeh rơndồ, măy mok, sơr băc mhar lơh jat. Mờ gơnoar broă sòl àng bơta pin dờn ai làng bol in, mpồl lơh broă lơh jat niam kơnòl broă atbồ, ngui ală gùng che ồs đèng, gàr niam broă pờ đèng ờdo ờdă, kơ̆ kơljap nàng drơng broă bơtàu tơnguh lơh sa- mpồl bơtiàn mờ pơgồp bơnah tơnguh uă rài kis làng bol in.

Cau mblàng K’Hạnh