Jăt mờ kơrnoăt sồ 969, Củ tịc UɃÑZ càr Dăk Nông tơlik kơrnoăt yal bơta gơlik geh jal mhar bè rềs àr bơh trồ tiah nàng rơcang sơndră, tơmù bơta gơtìp aniai gơwèt mờ 3 tiah gơtìp tơrlah, tàm hơ̆ geh Tơnao dơng dà Dăk N’ting, tàm xã Quảng Sơn, kơnhoàl Dăk Glong; gùng Hồ Chí Minh tềng kơi sồ 1.900+350, sơnah ƀòn Nghĩa Thành, ƀòn dờng Gia Nghĩa; tiah Ƀòn Bu Krăc mờ Ƀòn Bu Prăng 1A, xã Quảng Trực, kơnhoàl Tuy Đức.

Nàng rơcang sơndră mờ rềs àr bơh trồ tiah, Củ tịc UɃÑZ càr Dăk Nông sồr pal lơh jăt broă tồt jơnau yal ngòt rơngơ̆t; ntrờn jơh ală hìu làng bol gơrềng bal; bơyai lơh ơm gàr tềng broă lơh ngai kung bè mang; Was sền, sền gròi mờ git bơta gơtìp bơh rềs àr trồ tiah; bơta ntrờn, rơdàng tềng bơtơ̆t, gùng lòt nàng di tŭ bơsong.