Ồng Phạm Tuấn Anh, Kwang atbồ Sở Nông nghiệp mờ Phát triển Nông thôn càr Dăk Nông pà gĭt, bơh nhai 9 nam 2019 tus bồ nhai 10 nam 2022, jơh gùt càr geh 113 nă kwang bàng kiểm lâm, cau lơh broă sền gàr brê bơnơm dan ơm rlô lơh broă, 35 nă cau dan ntrờn broă lơh tus gah lơh broă ndai. Khà cau dan ơm rlô lơh broă mờ ntrờn gah lơh broă geh tus 20% kờp jơh khà kwang bàng, cau lơh broă tàm ală mpồl lơh broă kiểm lâm, mpồl atbồ brê mờ ală kông ty brê bơnơm gơwèt dà lơgar atbồ. Broă dùl ròt kwang bàng sền gàr brê dan ơm rlô lơh broă sơlơ lơh kơn jơ̆ dờng ngan ai broă lơh atbồ sền gàr brê tàm Dăk Nông, tŭ mpồl cau ờ hoan geh mơya pal lơh tai uă kơnòl broă, atbồ bồ ù tiah ơnàng mờ bă ù brê dờng. Bơta do kung gơrềng tus nùs nhơm bơh cau gam lơh broă dê, ngai sơlơ uă cau dan ơm rlô lơh broă halà ntrờn lơh broă ndai.

Cau sền gàr brê lơh broă tàm ală bơta kal ke ngan, ngòt rơngơ̆t sùm pơhìn, tàm tŭ priă nhai, ờ di pal mờ jơnau kòñ ngui tàm rài kis

Nàng kơryan bơta do, ồng Phạm Tuấn Anh  pà gĭt, Sở Nông nghiệp mờ Phát triển Nông thôn geh tă pơgồp jơnau đơs bal mờ càr jòi bàr pe gùng dà broă lơh dong kờl, pơndờm pơnđiang mpồl sền gàr brê; mơya bè jŏ jòng, dà lơgar pal geh ală broă lơh nàng kờñ lơh niam wơl priă nhai, broă dong kờl nàng cau lơh broă in iang nùs sền gàr brê.