VOV4.K’ho- Ủy ƀan Ñân zân ƀòn dờng Dà Làc, càr Lâm Đồng pa geh sră yal, dan mờ Ủy ƀan Ñân zân càr Lâm Đồng sền swì ai gơnoar Drà mang Dà Làc in lơh broă wơl tơnơ̆ rlau 8 nhai ơm ờ lơh broă tài bơh kòp Kovid-19.

Nàng gàr niam ờdo ờdă tàm broă lơh rơcăng sơndră kòp Kovid-19, Drà mang Dà Làc neh ơm ing lơh broă bơh ngai 03/05/2021 tus tŭ do. Bơh tŭ tơngai jŏ jòng ơm lơh broă, rài kis lơh sa bơh ală hìu bơnhă kă bro dê tàm drà tìp uă ngan kal ke. Tềng đăp bơta geh ngan do, nàng kờñ lam lơh jăt geh cồng nha jơnau kờñ dơ̆ lĕ bal tàm bơta bè ờs pa...Ủy ƀan Ñân zân ƀòn dờng Dà Làc yal, dan mờ Ủy ƀan Ñân zân càr Lâm Đồng sền swì ai gơnoar Drà mang Dà Làc in lơh broă wơl bè ờs, halà lơh broă geh jơnau sồr bè rơcăng sơndră kòp...Lài hơ̆, ala mat rlau 200 hìu bơnhă kă bro tàm Drà mang Dà Làc neh geh sră dan mờ pơyua tus Ủy ƀan Ñân zân ƀòn dờng Dà Làc in sồr gơnoar ătbồ ai gơnoar drà geh lơh broă wơl bè ờs tàm dơ̆ sa tềp bơhiàn dà lơgar nam Ñâm Zần.

Cau mblàng Lơ Mu K’Yến